Mikilvægur útisigur hjá Guðjóni og Kristni með Halmstad

Guðjón Baldvinsson og Kristinn Steindórsson voru báðir í byrjunarliði Halmstad þegar liðið vann dýrmætan 2-0 útisigur á Ängelholms FF í sænsku b-deildinni í fótbolta í kvöld.

Halmstad varð nauðsynlega að vinna þennan leik í baráttunni við Brommapojkarna um annað sæti deildarinnar. Annað sætið skilar sæti í sænsku úrvalsdeildinni á næstu leiktíð. Halmstad er nú fjórum stigum á eftir og hefur auk þess spilað leik minna.

Mikael Boman skoraði fyrra markið á 16. mínútu og Kristoffer Fagercrantz bætti við öðru marki á 51. mínútu.

Guðjón Baldvinsson spilaði allan leikinn en Kristinn fór útaf á 82. mínútu. Guðjón skoraði 11 mörk í fyrstu þrettán deildarleikjum tímabilsins en hefur kólnað aðeins á síðustu vikum enda "bara" með eitt mark í síðustu fimm leikjum sínum.