Kobe Bryant, leikmaður Los Angeles Lakers, var valinn í lið ársins í NBA-deildinni í tíunda sinn á ferlinum en hann er í hópi fimm bestu leikmanna deildarinnar að mati blaðamanna sem skrifa um NBA-deildina. Með Bryant í úrvalsliðinu eru þeir LeBron James, Kevin Durant, Chris Paul og Dwight Howard.
Bryant komst þar með í hóp með mönnum eins og Kareem Abdul-Jabbar, Elgin Baylor, Bob Cousy, Michael Jordan, Bob Pettit, og Jerry West en þeir voru allir tíu sinnum í úrvalsliði ársins. Karl Malone á hinsvegar metið en hann var ellefu sinnum valinn í lið ársins.
LeBron James var kosinn besti leikmaður deildarinnar og hann fékk líka atkvæði frá 118 af 120 blaðamönnum í fyrsta úrvalsliðið.
Hér fyrir neðan má sjá úrvalsliðin þrjú en eins og áður var valið fyrsta, annað og þriðja úrvalslið tímabilsins.
Fyrsta úrvalslið NBA 2011-12:
LeBron James, Miami Heat
Kevin Durant, Oklahoma City Thunder
Dwight Howard, Orlando Magic
Kobe Bryant, Los Angeles Lakers
Chris Paul, Los Angeles Clippers
Annað úrvalslið NBA 2011-12:
Kevin Love, Minnesota Timberwolves
Blake Griffin, Los Angeles Clippers
Andrew Bynum, Los Angeles Lakers
Tony Parker, San Antonio Spurs
Russell Westbrook, Oklahoma City Thunder
Þriðja úrvalslið NBA 2011-12:
Carmelo Anthony, New York Knicks
Dirk Nowitzki, Dallas Mavericks
Tyson Chandler, New York Knicks
Dwyane Wade, Miami Heat
Rajon Rondo, Boston Celtics
Kobe Bryant í liði ársins í tíunda skiptið á ferlinum
