Þverá í útboð Karl Lúðvíksson skrifar 31. ágúst 2011 21:04 Það er alltaf nokkuð stór frétt þegar einhver af stóru laxveiðiánum er sett í útboð. Veiðifélag Þverár í Borgarfirði hefur nú ákveðið að óska eftir tilboðum í veiðirétt á vatnasvæði sínu, en þar eru Þverá og Kjarará, ásamt Litlu Þverá. Núverandi leigutaki er Sporður ehf, en samningur þeirra rennur út í lok veiðitíma sumarið 2012. Veiðifélagið lítur svo á að hver sá, sem hreppir hnossið, þurfi að vita af því með góðum fyrirvara, svo sölustarfsemi geti hafist í tæka tíð. Því mun útboðið verða auglýst í dagblöðum nú um næstu helgi og stefnt er að því að opna tilboðin þann 1. nóvember. Það er “LEX Lögmannsstofa” sem sér um afhendingu allra gagna og framkvæmd útboðsins. Allt frá hruninu 2008 hefur verð veiðileyfa hækkað mun minna en nemur almennum vísitöluhækkunum. En nú í sumar virðist spurn eftir veiðileyfum vaxandi og án efa bíða mörg veiðifélög nokkuð spennt eftir niðurstöðum þessa útboðs. Þær kunna að gefa tónin um verðbreytingar nú á næstunni. Frétt fengin af Angling.is Stangveiði Mest lesið Gæsaveiðin fer ágætlega af stað Veiði Byssusýning Veiðisafnins um næstu helgi Veiði Fimm laxar yfir 100 sm í Laxá Veiði Urriðinn mættur við Kárastaði Veiði Rjúpnaveiðin byrjar 20. október Veiði Veiðigoðsögnin Völundur Þorsteinn er látinn Veiði Kárastaðir eitt það gjöfulasta í Þingvallavatni Veiði Fín fyrsta helgi í rjúpu Veiði Heldur minni gæsaveiði í haust Veiði Greinilega betri rjúpnaveiði en í fyrra Veiði
Það er alltaf nokkuð stór frétt þegar einhver af stóru laxveiðiánum er sett í útboð. Veiðifélag Þverár í Borgarfirði hefur nú ákveðið að óska eftir tilboðum í veiðirétt á vatnasvæði sínu, en þar eru Þverá og Kjarará, ásamt Litlu Þverá. Núverandi leigutaki er Sporður ehf, en samningur þeirra rennur út í lok veiðitíma sumarið 2012. Veiðifélagið lítur svo á að hver sá, sem hreppir hnossið, þurfi að vita af því með góðum fyrirvara, svo sölustarfsemi geti hafist í tæka tíð. Því mun útboðið verða auglýst í dagblöðum nú um næstu helgi og stefnt er að því að opna tilboðin þann 1. nóvember. Það er “LEX Lögmannsstofa” sem sér um afhendingu allra gagna og framkvæmd útboðsins. Allt frá hruninu 2008 hefur verð veiðileyfa hækkað mun minna en nemur almennum vísitöluhækkunum. En nú í sumar virðist spurn eftir veiðileyfum vaxandi og án efa bíða mörg veiðifélög nokkuð spennt eftir niðurstöðum þessa útboðs. Þær kunna að gefa tónin um verðbreytingar nú á næstunni. Frétt fengin af Angling.is
Stangveiði Mest lesið Gæsaveiðin fer ágætlega af stað Veiði Byssusýning Veiðisafnins um næstu helgi Veiði Fimm laxar yfir 100 sm í Laxá Veiði Urriðinn mættur við Kárastaði Veiði Rjúpnaveiðin byrjar 20. október Veiði Veiðigoðsögnin Völundur Þorsteinn er látinn Veiði Kárastaðir eitt það gjöfulasta í Þingvallavatni Veiði Fín fyrsta helgi í rjúpu Veiði Heldur minni gæsaveiði í haust Veiði Greinilega betri rjúpnaveiði en í fyrra Veiði