Jól

Sálmur 79 - Syngi Guði himna hjörð

Latneskur söngur frá 14. öld - Sigurbjörn Einarsson Fornkirkjulegur jólasöngur - Wittenberg 1543 - Sb. 1589 SYNGI Guði himna hjörð heilagt lof og þakkargjörð, undir taki allt á jörð: Nú birtist sá, er hjálp oss fann og frelsi vann. Mærin helga heimi fæddi Guð og mann. Eja! Eja! Ljómar dagur dýr og nýr, dýrð Guðs föður, náð og friður með oss býr. Nú í dag er Drottinn Kristur, Drottinn Kristur fæddur þér, gleðin sanna, Guð í manni, hjá oss er. Dásamlegt er Drottins nafn, Immanúel! Lofi allt hans líkn, sem blessar líf og hel. Síon, lofa lausnarann, lífgjöf vora, Guð og mann, synd og dauða sigrar hann. Nú birtist sá, er hjálp oss fann og frelsi vann. Mærin helga heimi fæddi Guð og mann. Eja! Eja! Ljómar dagur dýr og nýr, dýrð Guðs föður, náð og friður með oss býr. Nú í dag er Drottinn Kristur, Drottinn Kristur fæddur þér, gleðin sanna, Guð í manni, hjá oss er. Dásamlegt er Drottins nafn, Immanúel! Lofi allt hans líkn, sem blessar líf og hel.


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.



Velkomin á Vísi. Þessi vefur notar vafrakökur. Sjá nánar.