Stærstu fyrirtækin hafa aukið hluta kvenna í stjórnum 13. maí 2011 13:51 Mari Teigen í ræðustól. Í dag fór fram á Hilton Reykjavík Nordica ráðstefnan Virkjum karla og konur til athafna. Á henni kom fram að stærstu fyrirtæki landsins hafa aukið hlut kvenna í stjórnum sínum. Í tilkynningu segir að þetta hafi verið framhaldsráðstefna frá því í fyrra en upphafið má rekja til samnings Viðskiptaráðs Íslands, Samtaka atvinnulífsins, Félags kvenna í atvinnurekstri, Creditinfo og fulltrúar allra stjórnmálaflokka skrifuðu undir 2009 um að auka hlutdeild kvenna í atvinnulífinu. Í ár var áherslan lögð á umræðu um kynjakvótalögin, en lög um kynjakvóta munu taka gildi hér á landi árið 2013 og komu fyrirlesarar meðal annars frá Noregi til að ræða árangur Norðmanna í þessum efnum. Árni Páll Árnason, efnahags- og viðskiptaráðherra, setti ráðstefnuna og þátttakendur voru tæplega 300. Á fundinum voru kynntar nýjar tölur frá Creditinfo þar sem m.a. kom fram að á Íslandi eru 60% stjórna með bæði kyn í stjórn ef varamenn eru meðtaldir en aðeins 14,5% ef varamenn eru ekki taldir með. Hlutföll eru því sambærileg og verið hafa síðustu ár þar sem 70% stjórna telja eingöngu karlmenn, 14,5% með bæði kyn og 14,8% með aðeins konur í stjórn. Hlutfall blandaðra stjórna hækkar hins vegar verulega þegar aðeins eru skoðuð stærstu fyrirtæki landsins en 44% stjórna 300 stærstu fyrirtækja landsins eru með bæði kyn í stjórn og 55% þeirra 100 stærstu. Það virðist því vera að stærstu fyrirtæki landsins séu að leiða áfram þá breytingu að fjölga konum í stjórn en gera má ráð fyrir að öll fyrirtæki á þessum lista þurfi að uppfylla kynjakvóta frá og með árinu 2013. Mari Teigen, doktor í félagsfræði og rannsóknarstjóri hjá Rannsóknarstofnun í félagsvísindum í Osló, fór yfir reynslu Norðmanna af kynjakvótalögum í stjórnum fyrirtækja og sagði hún lagasetningu hafa aukið hlut kvenna í stjórnum til muna og fór hlutfall kvenna í stjórnum úr 6% í 39% á síðasta ári. Samsetning stjórna í Noregi hefur breyst, fleiri konur hafi komið inn, jafnframt yngri stjórnarmenn, minni tengsl stjórnarmanna eru bundin við eigendur og menntaðri einstaklingar eru komnir inn í norskar stjórnir. Niðurstöðurnar sem Mari kynnti gefa til kynna að Norðmönnum hefur tekist að innleiða kynjakvótalögin án mikilla vandkvæða og að þau séu almennt viðurkennd. Liv Bergþórsdóttir, framkvæmdastjóri NOVA og stjórnarmaður í Telio, fjallaði um stöðu kynjahlutfalls í íslenskum stjórnum. Liv sagði kynjakvótalög geta verið tækifæri til að auka fjölbreytni, gagnsæji og betri stjórnarhættti. Liv hvatti athafnalífið til að auglýsa oftar eftir stjórnarmönnum því það skapi traust og trúverðugleika og segir reynslu af því að auglýsa stjórnarsetu sýna að ekki vanti áhuga kvenna. Benja Fagerlund, eigandi Talent Tuning, fjallaði að lokum um að stjórnarseta kynja sé ekki mál kvenna heldur viðskiptalífsins í heild og benti hún á að fjölbreytni sé nauðsynleg fyrirtækjum til árangurs. Í erindi Benju kom fram að konur séu sterkasta aflið í efnhagslegum vexti í dag og það sé tækifæri sem engin ætti að láta fram hjá sér fara. Hún varpaði upp þeirri spurningu hvað gæti verið að hjá stjórnum og fyrirtækjum sem hafa efni á því að setja konur ekki í framvarðasveit sína því þannig má hækka menntastig stjórna því staðreyndir sýna að konur eru um 60% allra háskólanema. Fundarstjórar voru Rakel Sveinsdóttir hjá CreditInfo Group og Ásbjörn Gíslason forstjóri Samskipa. Mest lesið Icelandair segir upp 57 flugmönnum Viðskipti innlent „Krakkar sem gistu hjá okkur vissu ekki hvað var að gerast!“ Atvinnulíf Hinn almenni borgari þurfi ekki að dæla í sig steinefnum Neytendur Brimborg lækkar verð á rafbílnum Volvo EX30 Samstarf Blár Opal seldist á fimmtán þúsund Neytendur „Sársaukafullt að sjá“ IKEA vasa dýrari í Góða hirðinum Neytendur MAST varar við ólöglegu innihaldsefni í fæðubótarefni Neytendur Festi fær að kaupa Lyfju Neytendur Leiðtogakulnun: Þegar yfirmaðurinn er alveg búinn á því Atvinnulíf Danir höndla ekki kóresku pakkanúðlurnar Viðskipti erlent Fleiri fréttir Icelandair segir upp 57 flugmönnum Húsnæði B5 auglýst til leigu enn og aftur Selja höfuðstöðvarnar sem voru rýmdar vegna myglu „Betur borgandi ferðamenn“ enginn bjargvættur ferðaþjónustunnar Vetrarþjónustan þungur baggi á borginni Gerður Björt nýr framkvæmdastjóri rekstrarþjónustu Wise Kristján Andrésson gengur til liðs við Arion banka Running Tide segir upp öllu starfsfólki á Íslandi Stefnt á að virkjun Hvalár geti hafist eftir tvö ár Bjór, bingó og bíó í Vinabæ á ný Frederiksen víkur fyrir Bird Áhöfnum tveggja skipa Þorbjarnar sagt upp Sigurður Tómasson til liðs við Origo Hrefna og Unnur til Novum Easyjet flýgur frá Akureyri til Manchester í vetur 500 manns sóttu um störf hjá OCHE Reykjavík Fyrsta íslenska grænkera ostagerðin í hættu Skuldar þrotabúi föður síns fleiri milljarða Fleiri farþegar og betri nýting Gengu frá 135 milljarða samningi um endurfjármögnun skulda Fjárfesta fyrir þrjá milljarða í Reykjanesbæ og Hafnarfirði Ein og hálf milljón farþega á fyrstu fimm mánuðum ársins Ingibjörg Ösp yfir nýrri rekstrarráðgjöf Expectus Þrír nýir stjórnendur hjá Festi „Að fara í slag við þessa risa er nánast ómögulegt“ Fjórir sérfræðingar til liðs við Helix Vilhjálmur Hilmarsson nýr hagfræðingur Visku Heimtu hlutinn úr helju og verða stærstu einkafjárfestarnir Varar við þenslu á byggingamarkaði Ráðinn tækni- og þróunarstjóri Defend Iceland Sjá meira
Í dag fór fram á Hilton Reykjavík Nordica ráðstefnan Virkjum karla og konur til athafna. Á henni kom fram að stærstu fyrirtæki landsins hafa aukið hlut kvenna í stjórnum sínum. Í tilkynningu segir að þetta hafi verið framhaldsráðstefna frá því í fyrra en upphafið má rekja til samnings Viðskiptaráðs Íslands, Samtaka atvinnulífsins, Félags kvenna í atvinnurekstri, Creditinfo og fulltrúar allra stjórnmálaflokka skrifuðu undir 2009 um að auka hlutdeild kvenna í atvinnulífinu. Í ár var áherslan lögð á umræðu um kynjakvótalögin, en lög um kynjakvóta munu taka gildi hér á landi árið 2013 og komu fyrirlesarar meðal annars frá Noregi til að ræða árangur Norðmanna í þessum efnum. Árni Páll Árnason, efnahags- og viðskiptaráðherra, setti ráðstefnuna og þátttakendur voru tæplega 300. Á fundinum voru kynntar nýjar tölur frá Creditinfo þar sem m.a. kom fram að á Íslandi eru 60% stjórna með bæði kyn í stjórn ef varamenn eru meðtaldir en aðeins 14,5% ef varamenn eru ekki taldir með. Hlutföll eru því sambærileg og verið hafa síðustu ár þar sem 70% stjórna telja eingöngu karlmenn, 14,5% með bæði kyn og 14,8% með aðeins konur í stjórn. Hlutfall blandaðra stjórna hækkar hins vegar verulega þegar aðeins eru skoðuð stærstu fyrirtæki landsins en 44% stjórna 300 stærstu fyrirtækja landsins eru með bæði kyn í stjórn og 55% þeirra 100 stærstu. Það virðist því vera að stærstu fyrirtæki landsins séu að leiða áfram þá breytingu að fjölga konum í stjórn en gera má ráð fyrir að öll fyrirtæki á þessum lista þurfi að uppfylla kynjakvóta frá og með árinu 2013. Mari Teigen, doktor í félagsfræði og rannsóknarstjóri hjá Rannsóknarstofnun í félagsvísindum í Osló, fór yfir reynslu Norðmanna af kynjakvótalögum í stjórnum fyrirtækja og sagði hún lagasetningu hafa aukið hlut kvenna í stjórnum til muna og fór hlutfall kvenna í stjórnum úr 6% í 39% á síðasta ári. Samsetning stjórna í Noregi hefur breyst, fleiri konur hafi komið inn, jafnframt yngri stjórnarmenn, minni tengsl stjórnarmanna eru bundin við eigendur og menntaðri einstaklingar eru komnir inn í norskar stjórnir. Niðurstöðurnar sem Mari kynnti gefa til kynna að Norðmönnum hefur tekist að innleiða kynjakvótalögin án mikilla vandkvæða og að þau séu almennt viðurkennd. Liv Bergþórsdóttir, framkvæmdastjóri NOVA og stjórnarmaður í Telio, fjallaði um stöðu kynjahlutfalls í íslenskum stjórnum. Liv sagði kynjakvótalög geta verið tækifæri til að auka fjölbreytni, gagnsæji og betri stjórnarhættti. Liv hvatti athafnalífið til að auglýsa oftar eftir stjórnarmönnum því það skapi traust og trúverðugleika og segir reynslu af því að auglýsa stjórnarsetu sýna að ekki vanti áhuga kvenna. Benja Fagerlund, eigandi Talent Tuning, fjallaði að lokum um að stjórnarseta kynja sé ekki mál kvenna heldur viðskiptalífsins í heild og benti hún á að fjölbreytni sé nauðsynleg fyrirtækjum til árangurs. Í erindi Benju kom fram að konur séu sterkasta aflið í efnhagslegum vexti í dag og það sé tækifæri sem engin ætti að láta fram hjá sér fara. Hún varpaði upp þeirri spurningu hvað gæti verið að hjá stjórnum og fyrirtækjum sem hafa efni á því að setja konur ekki í framvarðasveit sína því þannig má hækka menntastig stjórna því staðreyndir sýna að konur eru um 60% allra háskólanema. Fundarstjórar voru Rakel Sveinsdóttir hjá CreditInfo Group og Ásbjörn Gíslason forstjóri Samskipa.
Mest lesið Icelandair segir upp 57 flugmönnum Viðskipti innlent „Krakkar sem gistu hjá okkur vissu ekki hvað var að gerast!“ Atvinnulíf Hinn almenni borgari þurfi ekki að dæla í sig steinefnum Neytendur Brimborg lækkar verð á rafbílnum Volvo EX30 Samstarf Blár Opal seldist á fimmtán þúsund Neytendur „Sársaukafullt að sjá“ IKEA vasa dýrari í Góða hirðinum Neytendur MAST varar við ólöglegu innihaldsefni í fæðubótarefni Neytendur Festi fær að kaupa Lyfju Neytendur Leiðtogakulnun: Þegar yfirmaðurinn er alveg búinn á því Atvinnulíf Danir höndla ekki kóresku pakkanúðlurnar Viðskipti erlent Fleiri fréttir Icelandair segir upp 57 flugmönnum Húsnæði B5 auglýst til leigu enn og aftur Selja höfuðstöðvarnar sem voru rýmdar vegna myglu „Betur borgandi ferðamenn“ enginn bjargvættur ferðaþjónustunnar Vetrarþjónustan þungur baggi á borginni Gerður Björt nýr framkvæmdastjóri rekstrarþjónustu Wise Kristján Andrésson gengur til liðs við Arion banka Running Tide segir upp öllu starfsfólki á Íslandi Stefnt á að virkjun Hvalár geti hafist eftir tvö ár Bjór, bingó og bíó í Vinabæ á ný Frederiksen víkur fyrir Bird Áhöfnum tveggja skipa Þorbjarnar sagt upp Sigurður Tómasson til liðs við Origo Hrefna og Unnur til Novum Easyjet flýgur frá Akureyri til Manchester í vetur 500 manns sóttu um störf hjá OCHE Reykjavík Fyrsta íslenska grænkera ostagerðin í hættu Skuldar þrotabúi föður síns fleiri milljarða Fleiri farþegar og betri nýting Gengu frá 135 milljarða samningi um endurfjármögnun skulda Fjárfesta fyrir þrjá milljarða í Reykjanesbæ og Hafnarfirði Ein og hálf milljón farþega á fyrstu fimm mánuðum ársins Ingibjörg Ösp yfir nýrri rekstrarráðgjöf Expectus Þrír nýir stjórnendur hjá Festi „Að fara í slag við þessa risa er nánast ómögulegt“ Fjórir sérfræðingar til liðs við Helix Vilhjálmur Hilmarsson nýr hagfræðingur Visku Heimtu hlutinn úr helju og verða stærstu einkafjárfestarnir Varar við þenslu á byggingamarkaði Ráðinn tækni- og þróunarstjóri Defend Iceland Sjá meira