Meðalár í Andakílsá

Á hádegi í gær voru komnir á land 106 laxar úr Andakílsá. Þetta eru öllu raunhæfari tölur úr ánni heldur en sést hafa undanfarin ár.

Allt frá árinu 2005 hafa veiðitölur úr Andakílsá verið langt yfir meðaltali áratugana á undan. Nú er áin hins vegar í meðallagi en einn og hálfur mánuður er eftir af veiðitímanum. Má færa rök fyrir því að heildarveiðin gæti orðið nærri 190 laxa meðaltali árinnar.

Aðeins er veitt á tvær dagsstangir í ánni, og veiðin fram til þessa rétt rúmur lax á hvern stangardag.

Birt með góðfúslegu leyfi SVFR