Vignir: Getum gert miklu betur

Línumaðurinn Vignir Svavarsson kom sterkur inn í íslenska liðið eftir að Ingimundur Ingimundarson meiddist. Hann stóð vel fyrir sínu í kvöld en það dugði ekki til.

"Við byrjum seinni hálfleik ekki nógu vel. Við vorum einfaldlega ekki nógu góðir," sagði Vignir.

"Auðvitað hefði þetta getað orðið betra. Við stefndum hærra og vissulega eru þetta ákveðin vonbrigði. Við spiluðum síðustu leiki langt frá okkar besta.

"Ef við tökum þá jákvæða úr þessu þá vitum við að við getum gert miklu betur."