Jól

Taldi aðventuljósin með mömmu

„Almennt reynum við að þefa uppi alla þá jólastemningu sem býðst," segir Tinna Hrafnsdóttir leikkona og jólastelpa.
„Almennt reynum við að þefa uppi alla þá jólastemningu sem býðst," segir Tinna Hrafnsdóttir leikkona og jólastelpa.

„Mér finnst undirbúningur jólanna nánast meira spennandi en jólin sjálf. Þá er einhver eftirvænting í loftinu sem er einstök, " svarar Tinna Hrafnsdóttir leikkona spurð út í jólaundirbúning og heldur áfram:

„Það eru ákveðnir fastir liðir hjá mér þegar kemur að undirbúning jólanna."

„Þegar ég var lítil fórum við mamma alltaf saman í langa göngutúra fyrir jólin og töldum aðventuljósin í gluggunum."

„Fyrir aðventuna er alltaf búinn til krans og frá og með 1. desember prýða jólaseríur heimilið hátt og lágt, bakaðar sörur ásamt öðrum smákökum, farið í góða göngu- og bíltúra til að skoða jólaljósin og almennt reynum við að þefa uppi alla þá jólastemningu sem býðst, jólamarkaðir heimsóttir og þess háttar."

„Þegar ég var lítil fórum við mamma alltaf saman í langa göngutúra fyrir jólin og töldum aðventuljósin í gluggunum."

„Jólaljós, jólalög, jólasnjór, lykt af eplum, mandarínum, greni og góðum mat, kirkjan á aðfangadag, vinir og fjölskylda og almenn jólastemning."

„Aðventuljósin voru reyndar mun færri í þá daga en nú, en þeir göngutúrar voru nánast heilagir fyrir mér og ómissandi hluti af jólaundirbúningnum."

Hvað kemur þér í rétta jólagírinn? „Það er margt sem kemur mér í hátíðarskap. Jólaljós, jólalög, jólasnjór, lykt af eplum, mandarínum, greni og góðum mat, kirkjan á aðfangadag, vinir og fjölskylda og almenn jólastemning," svarar Tinna.

„Fyrir aðventuna er alltaf búinn til krans og frá og með 1. desember prýða jólaseríur heimilið hátt og lágt, bakaðar sörur ásamt öðrum smákökum."
„Eftirminnilegustu jólin sem ég hef upplifað hingað til eru fyrstu jólin sem ég og Dói, maðurinn minn, upplifðum saman," segir Tinna þegar talið berst að eftirminnilegum jólum.

„Við erum bæði mikil jólabörn og vorum fljót að átta okkur á því að við áttum einstaklega góða samleið í jólahaldi."

Hvað með jólin hjá ykkur í ár? „Á aðfangadagskvöld erum við fyrri hluta kvöldsins hjá mínum legg en seinni hlutann hjá legg mannsins míns."

„Þannig náum við að njóta samvista við alla okkar nánustu á þessu mikilvægasta kvöldi jólanna," segir Tinna.-elly@365.is



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.



Velkomin á Vísi. Þessi vefur notar vafrakökur. Sjá nánar.