Framarar hafa ekki byrjað betur í karlahandboltanum í sex ár en þeir eru með fullt hús á toppi N1 deildar karla eftir fyrstu þrjár umferðirnar.
Framarar mæta því fullir sjálfstrausts á Hlíðarenda í kvöld þar sem þeir hafa ekki unnið í tæpa 46 mánuði eða síðan í desember 2007.
Valsmenn eru nefnilega búnir að vinna átta leiki í röð á móti nágrönnum sínum í Vodafonehöllinni þar á meðal eru tveir bikarleikir.
Valsmenn unnu Framara þrisvar sinnum á Hlíðarenda í fyrra þar af með einu marki í síðasta deildarleiknum fyrir HM-frí og sigur í framlengdum undanúrslitaleik í bikarnum.
Leikur Vals og Fram hefst klukkan 19.30 en tveir aðrir leikir fara fram í deildinni í kvöld, Haukar-Akureyri klukkan 18.30 á Ásvöllum og HK-FH klukkan 19.30 í Digranesi.
Síðustu leikir Vals og Fram á Hlíðarenda:
17. mars 2011 deild - Valur vann 32-25
13. feb. 2011 bikar - Valur 33-31
16. des. 2010 deild - Valur 29-28
7. des. 2009 bikar - Valur 35-24
15. nóv. 2009 deild - Valur 27-21
9. mars 2009 deild - Valur 32-25
2. okt. 2009 deild - Valur 29-21
2. maí 2008 deild - Valur 37-32
16. des. 2007 deild - Fram 27-25
Framarar hafa ekki unnið á Hlíðarenda í tæpa 46 mánuði
Óskar Ófeigur Jónsson skrifar

Mest lesið





Númerin í enska boltanum sem enginn má spila í
Enski boltinn


Fjögur lið sýnt LeBron áhuga
Körfubolti

Systkinin leikjahæst: „Heiður að taka fram úr alvöru goðsögnum“
Íslenski boltinn

