Sveinn Andri og Kristrún Ösp innsigla ástina á Facebook

Lögmaðurinn Sveinn Andri Sveinsson, sem oft var talinn á meðal heitustu piparsveina landsins, er genginn út. Á Facebook síðu hans segir að hann sé nú í sambandi við fyrirsætuna Kristrúnu Ösp Barkardóttur. Á Facebook síðu hennar er sömu sögu að segja.

Kristrún Ösp, sem er liðlega tvítug, hefur starfað sem fyrirsæta undanfarin ár og getið sér gott orð í bransanum. Samband hennar og Dwight York sem á árum áður gerði garðinn frægann hjá Manchester United vakti athygli fyrir nokkrum misserum en Sveinn Andri hefur nú greinilega unnið hug hennar og hjarta.

Sveinn Andri, sem er kominn fast að fimmtugu og harður stuðningsmaður Manchester United, er á meðal þekktustu lögmanna landsins og einn af þeim sem iðulega fær titilinn „stjörnulögfræðingur".