Innsend frétt frá veiðihóp sem var koma úr Veiðivötnum

Við fengum þessa frétt senda frá Herði Heiðar Guðbjörnssyni sem var staddur í Veiðivötnum.

"Við félagarnir vorum að veiðum í Veiðivötnum á dögunum og veiddist bara ágætlega þrátt fyrir að lenda í leiðindar veðri í tvo hálfa daga. Þrátt fyrir það er fiskurinn enn til staðar í vatninu þannig að það er um að gera að láta sig hafa það að reyna. Þessi fiskur sem hér er með á mynd var tekinn í Skeifunni, en hann vóg tæp 7 pund. Flestir þeir fiskar sem veiddust hjá okkur voru almennt nokkuð vænir, eða margir 3-4 pund sem er hinn besti matfiskur. Undirritaður var þarna líka fyrir 10 dögum síðan en þá var meiri tregða í veiðinni, þannig að við vonum að þetta sé allt á réttri leið eða við vonum það a.m.k."

Veiðin er klárlega að taka smá kipp í Veiðivötnum eftir tregðu undanfarnar vikur.

Minnum ykkur á að senda okkur ykkar veiðifréttir og veiðimyndir á kalli@365.is