Alexander er að spila þjáður

Alexander Petersson hefur verið að leika þjáður á HM eftir að hafa meiðst á hné. Hann er samt ekki af baki dottinn og hugsar ekki um aðgerð fyrr en næsta sumar.

"Mér er illt í hnénu en um leið og leikurinn byrjar þá er það gleymt. Ég slekk á öllum slíkum hugsunum. Eftir leik er það aftur vont en svona er þetta bara," sagði jaxlinn Alexander sem stefnir á að klára mótið.

"Það er ekki létt en það eru bara þrír eða fjórir leikir eftir. Þetta er ekkert mál. Ég klára tímabilið og fer í aðgerð til Binna í sumar."