Stórir urriðar í Laxárdalnum þrátt fyrir kulda

Í gær snjóaði á urriðasvæðunum fyrir norðan, og þegar að þetta var skrifað er hiti við frostmark. Ótrúlegt er hversu vel veiðist miðað við aðstæður. Menn eru daglega að lenda í skotum, og sem dæmi var ein seinniparts stöngin í Mývantssveit með átján urriða í gærkveldi.

Gústaf Gústafsson var þar á ferð fyrir skömmu og var þetta fyrsta ferð hans á svæðið. Veiddi hann bæði í Laxárdal og Mývatnssveit, en Gústaf hefur þann sið að halda eins konar veiðidagbók í formi myndbanda.

Á meðfylgjandi myndbandi má sjá upplífun hans á svæðinu og kemur þar glöggt fram að það eru engir aumingjar að veiðast þetta árið.

Myndbandið má nálgast með því að smella hér

Birt með góðfúslegu leyfi SVFR