Svartá komin í 12 laxa

Heildartalan í Svartá er kominn uppí tólf laxa að sögn Vignis Björnssonar veiðivarðar. Fiskanir eru vænlegir tveggja ára laxar, frá 7-10 pund, og hafa þeir flestir komið á Sunray shadow, Svarta Francis og Þýska snældu. Eins og áður eru helstu veiðistaðirnir sem eru að gefa Ármót, Brúnarhylur og Krókeyrarhylur.

Þegar við heyrðum í Vigni í morgun voru tveir fiskar komnir á land en lítið vatn er í ánni þessa stundina. Svartá er þekkt fyrir að hrökkva í gang seinnipart júlí svo það verður gaman að fylgjast með ganginum á næstu vikum.

Birt með góðfúslegu leyfi Lax-Á