Hreggviður: Það vita það allir á Íslandi að við erum betra liðið

„Þessi varnarleikur á eftir að skila okkur Íslandsmeistaratitlinum," sagði Hreggviður Magnússon, leikmaður KR, eftir sigurinn í kvöld. KR vann þriðja leik liðanna um Íslandsmeistaratitilinn, 101-81, og leiðir einvígið 2-1.

„Í síðasta leik náðum við ekki alveg að líma saman 40 mínútur af góðum varnarleik en það kom heldur betur í kvöld".

„Ég er ekki frá því að sá varnarleikur sem við sýndum í þriðja leikhluta sé einhver sá besti sem sést hefur á Íslandi í mörg ár".

„Þetta mun klárast í næsta leik, það vita það allir á Íslandi að við erum með sterkara lið," sagði Hreggviður Magnússon sáttur í leikslok.