Viðskipti innlent

Deep Freeze: Íslenska hrunið í boði Seðlabankans

Í bókinni Deep Freeze Iceland´s Economic Collapse komast höfundar hennar að þeirri niðurstöðu að íslenska hrunið haustið 2008 megi að mestu skrifa á slæma stefnu Seðlabanka Íslands árin fyrir hrunið.



Höfundar bókarinnar eru hagfræðingarnir Phillipp Bagus og David Howden. Fjallað er um bókina á vefsíðu Ludwig von Mises Institute í Austurríki.



Á vefsíðunni segir m.a. höfundarnir komist að þeirri niðurstöðu að raunveruleg ástæða fyrir þeim hremmingum sem íslenska þjóðin upplifði haustið 2008 sé slæm stefna Seðlabankans. Vextir voru of lágir, bankarnir of stórir til að falla, húsnæðislán voru með ríkisábyrgð og bankarnir tóku skammtímalán erlendis til að fjármagna langtímaskuldabréf.



Höfundar bókarinnar ræða þennan mismun á skammtíma- og langtímaskuldbindingum og einbeita sér að þeirri stefnu Seðlabankans sem ýtti undir svo ótraust vinnubrögð. Þeir sýna fram á orsakir og afleiðingar þessarar stefnu án nokkurs vafa með því að nota gríðarlegt magn af upplýsingum og nákvæma greiningu á íslensku efnahagslífi, að því er segir á vefsíðunni.



Þá segir að íslenska frostið sé eitt af stóru sögubókardæmunum í heiminum. Það eigi að minna okkur á hvað gerist þegar lögmál markaðarins eru sniðgengin af stjórnmálamönnum og seðlabankastjórum.

Tengd skjöl



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
LEQ
0,59
1
1.288

Mesta lækkun dagsins


Félag
Br.%
Fjöldi
Velta*
ICEAIR
-6,56
15
6.123
REGINN
-3,59
20
47.585
EIK
-3,31
8
62.252
VIS
-3,22
7
89.006
SJOVA
-2,66
11
32.075
Velkomin á Vísi. Þessi vefur notar vafrakökur. Sjá nánar.