Innlent

Dettifossvegi eystri lokað á miðnætti vegna geimverumyndar

Dettifoss. Ridley Scott, Charlize Theron, Michael Fassbender og Noomi Rapace eru meðal þeirra kvikmyndastjarna sem dvalið hafa hér á landi í tengslum við tökur á geimverumyndinni við rætur Heklu og Dettifoss.
Dettifoss. Ridley Scott, Charlize Theron, Michael Fassbender og Noomi Rapace eru meðal þeirra kvikmyndastjarna sem dvalið hafa hér á landi í tengslum við tökur á geimverumyndinni við rætur Heklu og Dettifoss. Mynd/Vilhelm
Dettifossvegur eystri, sem er afleggjarinn frá Hólsfjallavegi niður að Dettifossi, verður lokaður frá miðnætti í kvöld og fram á miðnætti á föstudagskvöld. Þetta er gert í tengslum við tökur á geimverumyndinni Prometheus, í leikstjórn Ridley Scott, en líkt og áður hefur verið greint frá verður aðgangur almennings að Dettifossi takmarkaður.

Sjálfur Hólsfjallavegurinn verður hins vegar opinn. Lokun afleggjarans á ekki að hafa mikil áhrif en hann er stuttur eða um 1,5 km. Vegagerðin bendir þeim sem vilja skoða Dettifoss á að fara veg nr. 862 á vesturbakka Jökulsár.

Hundruð ferðamanna koma að fossinum dag hvern. Opið verður fyrir aðgang vestan megin fossinn en til stóð að loka fyrir aðgengi bæði austan- og vestanmegin en hætt var við það.

„Það var í raun farinn millivegurinn til að loka ekki alfarið fyrir umferð ferðamanna. Það var eftir mjög góða samvinnu við Samtök ferðaþjónustunnar og Vatnajökulsþjóðgarð sem það var ákveðið," segir Þór Kjartansson, starfsmaður framleiðslufyrirtækisins True North, í samtali við Fréttablaðið í dag, en framleiðslufyrirtækið aðstoðar tökulið Prómeþeusar. Hann bætir við að björgunarsveitarmenn verði á vakt vestan megin við fossinn til að leiðbeina fólki á réttan stað svo það fái litið hinn glæsilega foss án þess að trufla tökurnar.


Tengdar fréttir

Geimverur loka náttúruperlu

Aðgangur almennings að Dettifossi verður takmarkaður í tvo daga á meðan tökur á geimverumyndinni Prometheus, í leikstjórn Ridley Scott, fara fram síðar í mánuðinum. Tökur á myndinni hófust á mánudag við rætur Heklu.

Ridley Scott og félagar sprengja í Rangárþingi ytra

Breski leikstjórinn Ridley Scott hefur fengið leyfi til sprenginga frá 5. júlí til 1. ágúst við Dómadalsleið samkvæmt fundargerð hreppsnefndar Rangárþings ytra. Í fundargerðinni kemur jafnframt fram að aðeins verði sprengt þrjá daga innan þess tímaramma. Eftir því sem Fréttablaðið kemst næst eru sprengingarnar ekki stórar heldur eru einungis hugsaðar sjónrænt fyrir tökuvélarnar.

Scott takmarkar aðgengi að Dettifossi

Aðgengi ferðamanna að Dettifossi verður lokað að austanverðu á fimmtudag og föstudag á meðan tökur á stórmyndinni Prómeþeusi fara þar fram. Opið verður fyrir aðgang vestan megin við fossinn.

Stórstjörnur við Heklu

„Ef maður er smeykur við náttúruöflin í þessu fagi þá ætti maður að finna sér annað starf," segir kvikmyndaleikstjórinn Ridley Scott sem átti stuttan fund með blaðamönnum í miðbæ Reykjavíkur í gær. Tökur á stórmyndinni Prometheus hefjast í dag við rætur Heklu. Eins og kom fram í fjölmiðlum í síðustu viku þá virtist Hekla vera að rumska en Scott segist ekki hafa misst svefn yfir þeim fréttaflutningi.

Mest lesið


Fleiri fréttir

Sjá meira


×

Mest lesið