NBA-deildin: James óstöðvandi í ellefta sigurleik Cavs í röð

Ellefu leikir fóru fram í NBA-deildinni í körfubolta í nótt þar sem hæst bar stórleikur LeBron James í 113-106 sigri Cleveland Cavaliers gegn New Yok Knicks en Cleveland hefur nú unnið ellefu leiki í röð.

James gerði sér lítið fyrir og skoraði 47 stig, tók 8 fráköst og átti 8 stoðsendingar en hinn ótrúlegi James skoraði 35 stig í fyrri hálfleik og þar af 23 stig í fyrsta leikhlutanum.

James var allt í öllu hjá Cleveland og skorað meðal annars 24 stig í röð fyrir liðið í fyrri hálfleiknum. James kórónaði svo frábæran leik sinn með því að gera endanlega út um leikinn á lokamínútunni þegar New York var byrjað að saxa á forskot heimamanna.

Shaquille O'Neal átti einnig fínan leik fyrir Cleveland og skoraði 19 stig en Nate Robinson var stigahæstur hjá gestunum með 26 stig.

Úrslitin í nótt:

Cleveland-New York 113-106

Charlotte-New Orleans 99-104

Detroit-New Jersey 99-92

Chicago-Miami 95-91

Minnesota-Memphis 109-102

Houston-Philadelphia 95-102

Milwaukee-Indiana 93-81

Utah-Denver 116-106

Portland-LA Lakers 82-99

Golden State-Oklahoma City 95-104

LA Clippers-San Antonio 81-98