Engar öskubætur til evrópskra flugfélaga

Jyllands Posten greinir frá þessu og hefur upplýsingarnar eftir Hans Christian Schmit samgöngumálaráðherra Danmerkur. Schmit sat aukafund ráðherranna í Bruxells í dag þar sem málið var til umræðu og afgreiðslu. Framkvæmdastjórn ESB hafði áður opnað fyrir þann möguleika að flugfélögin fengju bætur.

Schmit segir að í staðinn verði þeim flugfélögum sem urðu verst fyrir barðinu á öskunni boðið upp á lánatryggingar í staðinn. Þær tryggingar yrðu veittar með markaðsvöxtum.

Eins og fram hefur komið er talið að evrópsk flugfélög hafi tapað vel yfir 400 milljörðum kr. á flugbanninu sem fylgdi öskunni úr Eyjafjallajökli.