Viðskipti erlent

Grísk björgun að baki hækkun olíuverðs og sterkari evru

Áætlanir ESB um að koma Grikklandi til bjargar með myndarlegum fjárstyrk hafa leitt til þess að olíuverð hefur hækkað í morgun og er komið yfir 80 dollara á tunnuna. Jafnframt hefur evran verið að styrkjast gagnvart dollaranum það sem af er degi.

Þetta kemur fram í frétt á BBC um málið. Um helgina láku út upplýsingar um að Þjóðverjar myndu þrátt fyrir allt koma Grikklandi til aðstoðar með lánveitingu ásamt öðrum ESB þjóðum. Upphæðin liggi á bilinu 20 til 25 milljarðar evra eða allt að 4.400 milljarða kr. Mun um 20% hennar kom frá Þýskalandi.

Þessar fregnir leiddu til þess að evran hefur verið að styrkjast töluvert gagnvart dollar í morgun og sú veiking dollarsins hefur aftur leitt til þess að olíuverðið hefur hækkað.





Mest lesið


Fleiri fréttir

Sjá meira


×

Mest lesið