Sögulegur viðburður í síðasta Formúlu 1 móti ársins í Abu Dhabi 10. nóvember 2010 09:35 Keppnin í Abu Dhabi hefst í myrki en lýkur í sólsetri. Mynd: Getty Images Það verður sögulegur viðburður í síðsta Formúlu 1 móti ársins í Abu Dhabi um næstu helgi. Þá eiga fjórir ökumenn möguleika á meistaratitli ökumanna í lokamóti keppnistímabilsins, en það er í fyrsta skipti sem slíkt hefur komið upp í 60 ára sögu íþróttarinnar. Fernando Alonso er efstur í stigamótinu, Mark Webber er annar, Sebastian Vettel þriðji og Lewis Hamilton fjórði. Í tólf önnur skipti hafa þrír ökumenn átt möguleika á að vinna titilinn í lokamótinu og það gerðist síðast árið 2007. Þá varð Kimi Raikkönen heimsmeistari á Ferrari, en Lewis Hamilton og Fernando Alonso á McLaren voru einu stigi á eftir. Ef Vettel eða Hamilton verða meistarar, þá verður það í annað skipti síðan 1950 sem það gerist hjá ökumanni sem er ekki í fyrsta eða öðru sæti í stigamótinu fyrir síðustu keppnina. Giuseppe Farina varð meistari 1950 eftir að hafa verið í þriðja sæti fyrir ítalska kappaksturinn á Alfa Romeo, en það var síðasta mót ársins. Sama gerðist hjá Raikkönen 2007. Þá varð hann meistari með eins stigs mun á undan Lewis Hamilton og Fernando Alonso, eftir að hafa verið í þriðja sæti að stigum fyrir lokamótið. Alonso hefur tvívegis fagnað meistaratitilinum. Hann varð meistari með Renault árið 2005 og varð þar með yngsti meistari allra tíma og hann varð aftur meistari 2006. Ef hann verður meistari í ár þá verður hann sá fyrsti til að verða þrefaldur meistari fyrir þrítugt. Michael Schumacher náði þreföldum titili 31 árs, Ayrton Senna sömuleiðis árið 1991. Þá mun Alonso einnig jafna árangur Juan Manuel Fangio frá árinu 1956, Jody Scheckter 1979 og Raikkönen 2007 sem unnu á fyrsta ári sínu sem ökumenn hjá Ferrari. Lewis Hamilton varð meistari með McLaren árið 2008, en hvorki Webber né Vettel hafa fangað meistaratitli á ferlinum. Jenson Button hjá McLaren er fráfarandi heimsmeistari, en hann missti endanlega af möguleikanum af því að verja titilinn í mótinu í Brasilíu um síðustu helgi. Hann tryggði sér meistaratitilinn í fyrra í næstsíðasta móti ársins. Lokamótið í Abu Dhabi verður í beinni útsendingu á Stöð 2 Sport á sunnudag kl. 12.30 í opinni dagskrá. Strax á eftir verður þátturinn Endmarkið, þar sem farið verður yfir viðburði dagsins af sérfræðingum. Á föstudagskvöld kl. 21.00 verður sýnt frá æfingum keppnisliða, en bein útsending verður frá þriðju æfingu keppnisliða á laugardag kl. 09.55 og tímatakan verður sýnd beint kl. 12.45 í opinni dagskrá. Mest lesið Ísak veit að hann verður hataður: „Ungur strákur átti sér draum“ Fótbolti Dómarinn fékk gult spjald og glotti Fótbolti Sakaður um viljandi árekstur: „Bara séð svona í leikjum og go-kart“ Formúla 1 Sjáðu miðjumark Sverris, tvennu Tobiasar, rautt á Alex og Atla stela sigri Íslenski boltinn Hákon mun slást við Kelleher um stöðuna Enski boltinn Ósáttur Davíð Smári: Einn maður sem eyðileggur leikinn Íslenski boltinn Átta leikir í röð án sigurs ekki áhyggjuefni Fótbolti „Þetta mark átti ekki að telja“ Íslenski boltinn Sjóðheitur Scheffler tryggði titil sem aðeins Tiger hafði tekist að verja Golf „Verður ekkert frí í þessu landsleikjahléi“ Fótbolti Fleiri fréttir Sakaður um viljandi árekstur: „Bara séð svona í leikjum og go-kart“ Piastri á ráspól Hamilton segir sögusagnir um ósætti vera þvaður Norris vann í Mónakó í fyrsta sinn Lando Norris hrifsaði til sín ráspólinn á elleftu stundu Verstappen tók fram úr á fyrsta hring og fagnaði sigri Hrikalegur árekstur Tsunoda, nýtt áfall fyrir Ferrari og Piastri fremstur Hamilton: „Dæmið okkur eftir nokkur ár“ Var í lífstíðarbanni en er nú aftur orðinn liðsstjóri í Formúlu 1 Pirraður Hamilton biðst ekki afsökunar Piastri fagnaði þriðja sigrinum í röð Sjá meira
Það verður sögulegur viðburður í síðsta Formúlu 1 móti ársins í Abu Dhabi um næstu helgi. Þá eiga fjórir ökumenn möguleika á meistaratitli ökumanna í lokamóti keppnistímabilsins, en það er í fyrsta skipti sem slíkt hefur komið upp í 60 ára sögu íþróttarinnar. Fernando Alonso er efstur í stigamótinu, Mark Webber er annar, Sebastian Vettel þriðji og Lewis Hamilton fjórði. Í tólf önnur skipti hafa þrír ökumenn átt möguleika á að vinna titilinn í lokamótinu og það gerðist síðast árið 2007. Þá varð Kimi Raikkönen heimsmeistari á Ferrari, en Lewis Hamilton og Fernando Alonso á McLaren voru einu stigi á eftir. Ef Vettel eða Hamilton verða meistarar, þá verður það í annað skipti síðan 1950 sem það gerist hjá ökumanni sem er ekki í fyrsta eða öðru sæti í stigamótinu fyrir síðustu keppnina. Giuseppe Farina varð meistari 1950 eftir að hafa verið í þriðja sæti fyrir ítalska kappaksturinn á Alfa Romeo, en það var síðasta mót ársins. Sama gerðist hjá Raikkönen 2007. Þá varð hann meistari með eins stigs mun á undan Lewis Hamilton og Fernando Alonso, eftir að hafa verið í þriðja sæti að stigum fyrir lokamótið. Alonso hefur tvívegis fagnað meistaratitilinum. Hann varð meistari með Renault árið 2005 og varð þar með yngsti meistari allra tíma og hann varð aftur meistari 2006. Ef hann verður meistari í ár þá verður hann sá fyrsti til að verða þrefaldur meistari fyrir þrítugt. Michael Schumacher náði þreföldum titili 31 árs, Ayrton Senna sömuleiðis árið 1991. Þá mun Alonso einnig jafna árangur Juan Manuel Fangio frá árinu 1956, Jody Scheckter 1979 og Raikkönen 2007 sem unnu á fyrsta ári sínu sem ökumenn hjá Ferrari. Lewis Hamilton varð meistari með McLaren árið 2008, en hvorki Webber né Vettel hafa fangað meistaratitli á ferlinum. Jenson Button hjá McLaren er fráfarandi heimsmeistari, en hann missti endanlega af möguleikanum af því að verja titilinn í mótinu í Brasilíu um síðustu helgi. Hann tryggði sér meistaratitilinn í fyrra í næstsíðasta móti ársins. Lokamótið í Abu Dhabi verður í beinni útsendingu á Stöð 2 Sport á sunnudag kl. 12.30 í opinni dagskrá. Strax á eftir verður þátturinn Endmarkið, þar sem farið verður yfir viðburði dagsins af sérfræðingum. Á föstudagskvöld kl. 21.00 verður sýnt frá æfingum keppnisliða, en bein útsending verður frá þriðju æfingu keppnisliða á laugardag kl. 09.55 og tímatakan verður sýnd beint kl. 12.45 í opinni dagskrá.
Mest lesið Ísak veit að hann verður hataður: „Ungur strákur átti sér draum“ Fótbolti Dómarinn fékk gult spjald og glotti Fótbolti Sakaður um viljandi árekstur: „Bara séð svona í leikjum og go-kart“ Formúla 1 Sjáðu miðjumark Sverris, tvennu Tobiasar, rautt á Alex og Atla stela sigri Íslenski boltinn Hákon mun slást við Kelleher um stöðuna Enski boltinn Ósáttur Davíð Smári: Einn maður sem eyðileggur leikinn Íslenski boltinn Átta leikir í röð án sigurs ekki áhyggjuefni Fótbolti „Þetta mark átti ekki að telja“ Íslenski boltinn Sjóðheitur Scheffler tryggði titil sem aðeins Tiger hafði tekist að verja Golf „Verður ekkert frí í þessu landsleikjahléi“ Fótbolti Fleiri fréttir Sakaður um viljandi árekstur: „Bara séð svona í leikjum og go-kart“ Piastri á ráspól Hamilton segir sögusagnir um ósætti vera þvaður Norris vann í Mónakó í fyrsta sinn Lando Norris hrifsaði til sín ráspólinn á elleftu stundu Verstappen tók fram úr á fyrsta hring og fagnaði sigri Hrikalegur árekstur Tsunoda, nýtt áfall fyrir Ferrari og Piastri fremstur Hamilton: „Dæmið okkur eftir nokkur ár“ Var í lífstíðarbanni en er nú aftur orðinn liðsstjóri í Formúlu 1 Pirraður Hamilton biðst ekki afsökunar Piastri fagnaði þriðja sigrinum í röð Sjá meira