Notkun kreditkorta jókst um 14,5% milli ára í desember

Heildarvelta kreditkorta í desembermánuði var 23,4 miljarðar kr. samanborið við 20,4 milljarða kr. í sama mánuði árið 2008 sem er um 14,5% aukning.

Þetta kemur fram í hagtölum Seðlabankans. Þar segir að samanborið við mánuðinn á undan, þ.e nóvember í fyrra, er nær engin breyting á veltu, aðeins um 60 milljónir kr. aukning.

Debetkortavelta í desember nam 39,7 milljarða kr. og jókst um 9,1 milljarða kr. frá fyrra mánuði sem er ekki óalgengt í jólamánuðinn.

Sé velta debetkorta borin saman við sama mánuð árið 2008 þá mælist um 1,2 milljarða kr. aukning milli ára eða um 3%.