Gerrard orðaður við Inter

Il Corriere Dello Sport á Ítalíu greinir frá því í dag að Inter ætli sér að gera tilboð í Steven Gerrard þegar, og ef, félaginu tekst að framlengja við Jose Mourinho þjálfara.

Massimo Moratti, forseti Inter, vill framlengja við Mourinho til 2013 en núverandi samningur er til ársins 2012. Laun Mourinho myndu hækka mikið með nýja samningnum.

Þegar Inter er öruggt með Mourinho ætlar félagið að reyna við Gerrard fyrstan allra leikmanna.

Það gæti þó reynst þrautin þyngri þar sem Gerrard vill helst ekki fara frá Liverpool. Titlaleysið á Anfield er þó talið gefa Inter veika von.