Viðskipti erlent

Hagnaður Carlsberg langt umfram væntingar

Carlsberg, stærsta brugghús Danmerkur, skilaði hagnaði upp á 471 milljón danskra kr. eða rúmlega 10 milljörðum kr. eftir skatta á fyrsta ársfjórðungi árs. Þessi hagnaður er langt umfram væntingar sérfræðinga sem töldu að tap upp á 54 milljónir danskra kr. yrði á rekstrinum.

Í frétt um uppgjörið á business.dk segir að velta Carlsberg á ársfjórðungnum hafi numið 11 milljörðum danskra kr. sem er um 7% lakari velta en á sama tímabili í fyrra. Það er einkum samdráttur í sölunni á Rússlandsmarkaðinum sem veldur því að veltan minnkaði.

Það sem olli mestu af hagnaðinum voru breyttar uppgjörsaðferðir við kaup á fyrirtækjum sem bættu stöðu brugghússins um 390 milljónir danskra kr. Þrátt fyrir þetta er hagnaðurinn af rekstrinum töluvert umfram væntingar.





Mest lesið


Fleiri fréttir

Sjá meira


×

Mest lesið