Endurgreiddi arðgreiðslu

Ásbjörn Óttarsson, þingmaður Sjálfstæðisflokksins, hefur skilað 20 milljóna arðgreiðslu úr fyrirtæki sínu fyrir árið 2006, en þá var eiginfjárstaða fyrirtækisins neikvæð og því um ólöglegan gjörning að ræða.

Ásbjörn var í Kastjjósi kvöldsins á RÚV þar sem arðgreiðslurnar voru til umræðu og þar kom fram að hann hafi ekki áttað sig á því að arðgreiðslan væri ólögleg.

Hann hafi hins vegar farið að skoða málið í kjölfar fyrirspurnar frá Fréttablaðinu og í framhaldinu ákveðið að skila peningunum. DV skýrði frá arðgreiðslunum í síðustu viku.