Charmaine Clark til Grindavíkur: Góður staður til að blómstra

Kvennalið Grindavíkur hefur styrkt sig með bandarísku stelpunni Charmaine Clark sem lauk námi við University of Miami síðasta vor. Clark er mætt til landsins og spilar sinn fyrsta leik í kvöld þegar Grindavík tekur á móti nýliðum Fjölnis í Röstinni í fyrstu umferð Iceland Express deildar kvenna. þetta kom fyrst fram á karfan.is.

Charmaine Clark var í viðtali á heimasíðu University of Miami þar sem hún talaði meðal annars um Íslandsförina. Clark segist búast við að spila ás, tvist og þrist í Grindavíkurliðinu sem hefur orðið fyrir miklum missi í þessum stöðum frá síðasta tímabili.

„Umboðsmanninum mínum fannst þetta passa vel fyrir mig. Hún sá mig spila allt síðasta tímabil og taldi að ég ætti að geta gert góða hluti á Íslandi. Þetta ætti að vera góður staður fyrir mig að blómstra og gott tækifæri fyrir mig að sýna mig í evrópska körfuboltanum. Það gæti síðan hjálpað mér að komast að í sterkari deild í Evríopu," sagði Charmaine Clark í viðtalinu við heimasíðuna.

Charmaine Clark var með 6,9 stig, 4,1 fráköst og 3,0 stoðsendingar að meðaltali á lokaári sínu með Lady Tigers en hún hitti þar úr 34,3 prósemt skotasinna og 65,6 prósent vítanna.