Már vill frekar afnema gjaldeyrishöft en lækka vexti

„Við gætum náð samningum á næstu vikum. Ef það gerist er ekki lengur spurning að lánin frá AGS og Norðurlöndunum koma í hús," segir Már og bætir því við að miklir möguleikar séu á samkomulagi. Fari svo að lánafyrirgreiðsla AGS og Norðurlandanna liggi ljós fyrir mun Ísland ekki þurfa nein frekari lán frá ESB eða Rússum að mati Más.

„Ef áætlun AGS/Norðurlandana verður að veruleika erum við með nægt fjármagn. Við þurfum ekki meira því áætlun AGS er vel fjármögnuð," segir Már. „Í rauninni þurfum við ekki fjármagn frá Rússum. Í augnablikinu eru við ekki að leita að slíku."

Már ræðir aðeins skuldatryggingaálag Íslands og segir að þótt líkurnar sem taldar eru á þjóðargjaldþroti samkvæmt skuldatryggingamarkaðinum séu ekki endilega réttar taki hann hreyfingarnar á þessum markaði alvarlega. „Fólk tók ekki nægilega mikið mark á þessu markaði í aðdragenda hrunsins og það væru mistök að endurtaka slíkt," segir Már.

Hvað varðar líkurnar á þjóðargjaldþroti Íslands segir Már að þær séu nánast hverfandi.

Aðspurður um háa stýrivexti og gjaldeyrishöft segir Már að hann vilji ekki að vextirnir séu of lágir þegar farið verður í að afnema höftin en þau hafi virkað mjög vel hingað til.

„Ég vil frekar afnema höftin. Þau eru farin að hafa neikvæð efnahagsáhrif á Íslandi og þau áhrif fara vaxandi með tímanum," segir Már og bætir því við að í stað haftanna gætu komið strangari reglur um gjaldeyrisviðskipti innlendu bankanna.