Inter til í að selja Maicon til að geta keypt Fabregas

Ítalskir fjölmiðlar segja í dag að Inter sé til í selja hinn eftirsótta bakvörð sinn, Maicon, svo félagið fái nóg af peningum til þess að kaupa Cesc Fabregas frá Arsenal.

Tuttosport segir að Inter vonist til þess að geta fengið 45 milljónir evra fyrir bakvörðinn frá Man. City og þar sem væri Inter komið með nægan pening til þess að lokka Fabregas frá Lundúnum.

Sterkur mðjumaður er efstur á óskalista forráðamanna Inter og þar er Fabregas fyrsti valkostur.

Ætli Inter sér að eiga möguleika á Fabregas er talið næsta víst að félagið verði að greiða fyrir leikmanninn og senda Mario Balotelli til Arsenal en Wenger er sagður vera mikill aðdáandi Balotellis.