Greiðslukortavelta heimila jókst um tæp 10%

Þetta kemur fram í Hagvísum Hagstofunnar fyrir aprílmánuð. Þar segir að greiðslukortavelta Íslendinga erlendis jókst um 6,9% en erlend greiðslukortavelta hérlendis dróst saman um 16,9% í febrúar 2010 miðað við sama mánuð 2009.

Vísitala neysluverðs án húsnæðis hækkaði um 10,9% í febrúar sem veldur 0,9% raunlækkun á innlendri greiðslukortaveltu.

Fram kemur í Hagvísunum að áfram er mikill samdráttur í bílainnflutningi. Nýskráningar bíla í janúar-mars voru 441 sem er 15,8% fækkun frá janúar-mars í fyrra. Síðastliðna 12 mánuði, til loka mars, voru nýskráningar bíla 2.747 en það er 65,4% fækkun frá fyrra tólf mánaða tímabili.