Lukkulegir hjá Lego, annar methagnaður í höfn

Jörgen Vig Knudstorp forstjóri Lego er að vonum lukkulegur með þennan árangur. Í tilkynningu um uppgjör ársins í fyrra segir hann að árangurinn sé í hæsta máta ásættanlegur. „Við getum glatt okkur yfir sterkum vexti á alþjóðamörkuðum sem byggður eru á klassískum framleiðsluvörum okkar," segir Knudstorp og bætir því við að útlitið fyrir árið í ár sé gott hjá Lego.

Fram kemur í dönskum fjölmiðlum í dag að þrátt fyrir að leikfangamarkaðir hafi verið í lægð í öllum heimsálfum í fyrra sökum kreppunnar hafi Lego upplifað vöxt í þeim. Hafi Lego tekist að auka markaðshlutdeild sína að jafnaði um 4,8% á alþjóðlegum vettvangi.