Rúrik fór útaf meiddur eftir aðeins 17 mínútur

Rúrik Gíslason spilaði aðeins fyrstu 17 mínúturnar í 1-0 sigri OB á Randers í dönsku úrvalsdeildinni í Óðinsvéum í kvöld. OB er eftir þennan sigur í 4. sæti deildarinnar með jafnmörg stig og Bröndby en lakari markatölu.

Rúrik Gíslason byrjaði leikinn á hægri kantinunm en þegar hann meiddist þó kom inn á fyrir hann Thomas Helveg, fyrrum leikmaður A.C. Milan og Internazionale. Peter Utaka tryggði OB sigurinn með marki þremur mínútum fyrir leikslok.

Rúrik er í landsliðshópnum sem mætir Ísrael í næstu viku en ekki er ljóst hvort að þessi meiðsli þýði að hann þurfi að segja sig út úr hópnum.