Slæmt fyrir íslenskt efnahagslíf

Afskráning Össurar úr íslensku Kauphöllinni eru slæm tíðindifyrir íslenskan hlutabréfamarkað og efnahagslíf, segir Þórður Friðjónsson forstjóri Kuphallarinnar í viðtali við Fréttablaðið. Tilkynnt var um afskráninguna í gær. Markaðsvirði Össurar er 37 prósent af markaðsvirði allra skráðra fyrirtækja í kauphöllinni.

Þórður segir að afskráninguna megi rekja til skaðlegra áhrifa af gjaldeyrishöftum og að farið verði vandlega yfir málið samkvæmt verklagsreglum. Hlutafé Össurar verður skráð í Danmörku og í dönskum krónum. Jón Sigurðsson, forstjóri Össurar segir að fyrirhuguð breyting nái aðeins til hlutabréfanna. Starfsemin hér á landi hafi verið að aukast og ekki von á breytingum þar á.