Mourinho hrinti blaðamanni

Stríð Jose Mourinho, þjálfara Inter, við ítalska fjölmiðla tók á sig nýja mynd í dag þegar Mourinho hrinti blaðamanni og hellti sér síðan yfir hann.

Eins og kunnugt er hefur Mourinho sett sjálfan sig og alla hjá Inter í fjölmiðlabann þar sem hann er ósáttur við umfjöllun fjölmiðla um Inter og sjálfan sig.

Inter gerði jafntefli við Atalanta í dag og Mourinho í litlu hátíðarskapi er hann labbaði af velli.

Blaðamaðurinn Andrea Ramazzotti, sem ku vera alls óskyldur Eros Ramazzotti, elti Mourinho er hann gekk af velli og reyndi að trufla hann með spurningum.

Mourinho brást ókvæða við, hrinti blaðamanninum og lét síðan fúkyrðum rigna yfir hann.