Skemmdarvargar skvettu málningu á hús Friðriks Sophussonar

Skemmdarvargar skvettu málningu á hús Friðriks Sophussonar, forstjóra Landsvirkjunar, aðfararnótt þriðjudagsins síðasta.

Í yfirlýsingu sem skemmdarvargarnir sendu frá sér undir yfirskriftinni „Við viljum líf okkar til baka. Frelsi okkar. byggðirnar okkar," segir að í nafni peninga og valds hafi Landsvirkjun markvisst eyðilagt íslenskar byggðir.

„Forstjóri fyrirtækis breytir ekki um persónuleika milli þess sem hann er í vinnu og heima. Hann er sá sami," segir meðal annars í tilkynningunni.