Scolari: Ekki keypt í janúar

Luiz Felipe Scolari, knattspyrnustjóri Chelsea, segir að félagið muni ekki bæta við sig leikmönnum nú þegar félagaskiptaglugginn er opinn í janúarmánuði.

„Við þurfum ekki fleiri leikmenn," sagði Scolari eftir að hans menn töpuðu 3-0 fyrir Manchester United um helgina. „Ég á ekki von á að fá leikmenn og vil ég þá ekki heldur. Þetta er minn leikmannahópu og ég ætla að fá þá til að gera betur."

„Miðað við hvernig við erum að spila í dag munum við ekki vinna neinar keppnir," bætti hann við. „Titilbaráttan er þó ekki búin. Það eru enn sautján leikir eftir af tímabilinu og veit því enginn hvað gerist."