Pirlo ætlar að vera áfram hjá AC Milan

Ítalski landsliðsmaðurinn Andrea Pirlo hjá AC Milan hefur neitað sögusögnum þess efnis að hann muni yfirgefa herbúðir Mílanófélagsins í sumar en hann hefur sterklega verið orðaður við Atletico Madrid og endurfundi við Carlo Ancelotti hjá Chelsea.

„Ég verð áfram hjá AC Milan. Ég er með samning við félagið og ég er alveg rólegur þó svo að ég sjái nafnið mitt í blöðunum í tengslum við önnur félög. Ég vill vera áfram hjá AC Milan," segir Pirlo í samtali við Corriere dello Sport.

Hinn þrítugi miðjumaður er með samning við AC Milan til ársins 2011.