Neyðist til að skipta um nafn á Budweiser-ölinu

Bandarísku bruggverksmiðjurnar Anheuser-Busch eru tilneyddar til þess að skipta um nafn á Budweiser öli sínu í Evrópu. Þetta hefur einn af dómstólum Evrópusambandsins ákveðið.

Stríðið um réttindin á nafninu Budweiser hefur staðið árum saman og farið fyrir fjölda dómstóla að því er segir í frétt um málið í Jyllands Posten.

Baráttan hefur oftast líkst baráttu Davíðs við Golíat. Öðru megin borðsins hefur litla tékkneska bruggverksmiðjan Budweiser Budvar í bænum Ceske staðið en hinum megin hið risavaxna félag Anheuser-Busch með veltu upp á ca. 5.000 milljarða kr.

Það var ESB dómstólinn Curia sem kvað uppúr með það að Anheuser-Busch gæti ekki lengur notað Budweiser-nafnið í Evrópu. Dómstóll þessi dæmir í málum af þessu tagi, það er um einkarétt og vörumerki.

Anheuser-Busch hefur frá árinu 1996 reynt að fá vörumerkið Budweiser skráð í Evrópu. Samkvæmt úrskurði Curia mun bruggverksmiðjan geta notað nafnið áfram í þeim Evrópulöndum sem þeim hefur tekist að skrá það. Í hinum löndunum verður að skipta um nafn á ölinu.