Frönsk Bourgogne vín verða ódýr í ár

Vínunnendur með smekk fyrir vínum framleiddum úr Chardonnay Pinot Noir berjum frá miðhluta Frakklands eiga góðar fréttir í vændum. Allt útlit er fyrir að Bourgogne vínin í ár verði mun ódýrari en þau hafa verið um langt skeið.

Eftirspurnin eftir Bourgogne vínum hefur fallið um 30% sökum fjármálakreppunnar og segja framleiðendur þeirra nú að töluvert verðfall verði á uppskeru þessa árs. Eftirspurnarminnkunin kemur nefnilega ofan í að útlit er fyrir mjög góða berjauppskeru í haust. Þetta tvennt veldur verðfallinu.

Annað sem hefur mikil áhrif á verðið er tregða breskra stórmarkaða að selja vínflöskur á yfir 10 pund stykkið, eða rúmlega 2.000 kr., sama hve gæðin eru mikil og merkið þekkt.

Þá mun hátt gengi evrunnar gagnvart dollaranum ekki létta undir með vínframleiðendunum því Bandaríkjamarkaður hefur verið vaxandi fyrir útflutning á þessum vínum, a.m.k. með fjármálabólan var sem mest síðustu árin. Árið 2007 var sett met í sölu á Bourgogne vínum þegar salan nam um 200 milljón flöskum.

Fram kemur í frétt um málið á börsen.dk að um 45% af öllum Bourgogne vínum eru flutt út til Bretlands og Bandaríkjanna. Frökkum sjálfum finnast þau of dýr fyrir sinn smekk.