Hamburg hirti fyrsta bikar tímabilsins eftir sigur á Kiel

Hamburg hafði betur 28-35 gegn ríkjandi deildar -og bikarmeisturum í Kiel í meistarakeppni þýska handknattleikssambandsins í kvöld en leikurinn markar upphaf handboltavertíðarinnar þar í landi.

Staðan í hálfleik var 11-15 Hamburg í vil. Hans Lindberg var atkvæðamestur hjá Hamburg með tíu mörk en Henrik Lundström skoraði sex mörk fyrir Kiel.

Aron Pálmarsson var í leikmannahópnum hjá Kiel en ekki á meðal markaskorara í leiknum.

Alfreð Gíslason stýrði liðuna að vanda en Kiel hefur titilvörn sína í þýsku 1. deildinni á laugardaginn gegn Melsungen á útivelli.