Gjaldmiðlaskiptasamningar fram á næsta ár

Bandaríski seðlabankinn framlengdi í gær gjaldeyris­skiptasamninga við þrettán seðlabanka víða um heim fram til febrúar á næsta ári. Samningarnir, sem fyrst voru gerðir síðasta haust í gerningaveðri á fjármagnsmörkuðum, áttu að renna út í október.

Gjaldeyrissamningarnir fela í sér að erlendu seðlabankarnir geta sótt sér Bandaríkjaríkjadali og koma þar með í veg fyrir lausafjárþurrð í erlendri mynt.

Á meðal seðlabankanna þrettán eru norrænu bankarnir allir að Seðlabanka Íslands undanskildum.

Bandaríska dagblaðið Washington Post segir þetta auk annarra aðgerða bandaríska seðlabankans vísbendingar um að frosnir fjármálamarkaðirnir séu að þiðna.