VBS berst fyrir láni upp á milljarð

VBS Fjárfestingabanki rær nú öllum árum að því að fá ábyrgðamenn fyrir tæplega milljarðs láni til enska félagsins Ghost viðurkennda. Lánið er í vanskilum og hefur bankinn stefnt athafnamanninum Kevin Stanford og Kcaj LLP sem ábyrgðarmönnum til borgunar lánsins.

VBS lánaði Ghost fimm milljónir punda eða tæplega milljarð. Ghost er í eigu Ghost Holding sem er að stærstum hluta í eigu Kevins Stanford og Kcaj LLP.

Málið snýst um túlkun á lánasamningi Ghost en þar eru Stanford og Kcaj ábyrgðarmenn fyrir vanskilum áláninu að uppfylltum ákveðnum skilyrðum.

Tekist er á um hvort þessi skilyrði sé uppfyllt í dag. Ef Stanford, sem er viðskiptafélagi Baugs og Stoða og hluthafi í Stoðum í félagi við Magnús Ármann og Þorstein M. Jónsson, og Kcaj, sem er að hluta til í eigu íslenska fjárfestingafélagsins Arev, verða ekki samþykktir sem ábyrgðarmenn má fastlega búast við því að VBS, sem fékk nýlega lán frá íslenska ríkinu upp á 26 milljarða, þurfi að afskrifa lánið eins og það leggur sig.

Geir Gestsson, lögmaður Kevins Stanford, sagði í samtali við Vísi að málið yrði tekið fyrir í haust.