Forstjóri Marel hættir

Stjórn Marel Food Systems hf. hefur komist að samkomulagi við Theo Hoen um að hann leiði sameinuð fyrirtæki Marel Food Systems og Stork Food Systems sem forstjóri Marels. Þar með lætur Hörður Arnarson af störfum sem forstjóri en hann hefur gegnt því starfi síðatliðinn tíu ár.

Við hlið Theo verður sigsteinn Grétarsson auk fjármálastórans Erik Kaman í framkvæmdastjórn félagsins.

Marel Food Systems þróar og framleiðir tækjabúnað til vinnslu á kjúklingi, fiski og kjöti. Þð er með 15 prósent markaðshlutdeild og um það bil 600 milljónir evra í tekjur á ári. Á aðalfundi félagsins árið 2006 kynnti félagið áætlun um vöxt í tveimur þrepum. Fyrra þrepinu lauk með kaupunum á Stork Food Systems á síðasta ári.

Í seinna þrepinu verður áherslan lögð á að ná fram samlegðaráhrifum af samruna fyrirtækjanna og að auka arðsemi félagsins. Stjórnin ákvað samhljóða að biðja forstjóra Stork Food Systems, Theo Hoen, að leiða fyrirtækið eftir sameininguna.