Heiðar samdi við QPR

Heiðar Helguson hefur skrifað undir tveggja og hálfs árs samning við enska B-deildarliðið QPR en greint var frá því á heimasíðu félagsins.

Kaupverðið var óuppgefið en talið nema um einni og hálfri milljón punda. Heiðar var lánaður til QPR í nóvember síðastliðnum og hefur síðan þá skorað þrjú mörk í sjö leikjum með liðinu.

„Ég hef notið þessa tíma með félaginu og er ánægður með að framtíðin skuli vera komin á hreint," sagði Heiðar í samtali við heimasíðu QPR.

„Ég tel að liðið geti vel gert góða hluti á síðari hluta tímabilsins og framtíð félagsins lofar vissulega góðu. Ég hlakka til að taka þátt í þeim verkefnum sem eru framundan."

Paulo Sousa, knattspyrnustjóri Bolton, var ánægður með samninginn við Heiðar. „Viðbót hans við leikmannahópin hefur reynst okkur dýrmæt á undanförnum vikum. Hann er margreyndur markaskorari og ég er viss um að stuðningsmenn QPR muni bjóða hann einnig velkominn í fjölskylduna."