SVÞ segir engar líkur á að krónan styrkist

Stjórn Samtaka verslunar og þjónustu (SVÞ) vill koma þeim skilaboðum til félagsmanna sinna að eins og staðan er núna séu engar líkur að á gengi krónunnar styrkist á næstunni.

Þetta kemur fram á heimasíðu SVÞ. Þar segir ennfremur að þetta muni ekki breytast nema gripið verði til einhverra þeirra aðgerða af hálfu stjórnvalda sem hafa breytingu á núverandi stefnu í gengis- og peningamálum í för með sér.

Við bankahrunið sl. haust og þá veikingu krónunnar sem fylgdi í kjölfarið ólu margir félagsmenn SVÞ þá von í brjósti að um tímabundinn vanda væri að ræða og að gengi krónunnar myndi styrkjast að hálfu ári liðnu.