76 fyrirtæki undir hamarinn

Í febrúar 2009 voru 76 fyrirtæki tekin til gjaldþrotaskipta samanborið við 56 fyrirtæki í febrúar 2008, sem jafngildir tæplega 36 prósenta aukningu á milli ára. Þetta kemur fram á heimasíðu Hagstofunnar og þar segir einnig að flest gjaldþrot eða 19, hafi verið í byggingarstarfsemi og mannvirkjagerð og 15 í heild- og smásöluverslun, viðgerðum á vélknúnum ökutækjum.

„Fyrstu tvo mánuði ársins 2009 er fjöldi gjaldþrota 149 en fyrstu tvo mánuði ársins 2008 voru gjaldþrotin 97 sem jafngildir tæplega 54% aukningu milli áram," segir ennfemur.

Hér má fræðast nánar um málið á heimasíðu Hagstofunnar.