Félag(i) Hannes?

Og enn um athafnamenn því Vísir greindi frá því í vikunni að skuldir Hannesar Smárasonar, fyrrverandi forstjóra FL Group (nú Stoða), næmu hátt í 45 milljörðum króna að því gefnu að hann hafi ekkert greitt niður af skuldabagganum frá árslokum 2007.

Algengur misskilningur virðist hér hafa verið á ferðinni. Því þegar allt lék í lukkunnar velstandi voru Hannes og aðrir stórlaxar auðmenn. Þegar í harðbakkann sló féllu hins vegar skuldbindingar flestra á eignarhaldsfélög, eða um svipað leyti og auðmennirnir fluttu úr landi. Þegar síðast fréttist af Hannesi rak hann veisluþjónustu í Lundúnaborg og hafði það, eins og sumir orða það, eftir atvikum.