Galaxy vill fá eitthvað fyrir sinn snúð

Forráðamenn LA Galaxy eru tilbúnir að ræða þann möguleika að láta enska landsliðsmanninn David Beckham eftir til AC Milan, en aðeins gegn sanngjörnu verði.

"Þeir verða að bjóða betur en þeir gera nú ef þeir ætla sér að halda Beckham fram yfir 9. mars," sagði framkvæmdastjóri Galaxy, Tim Leiweke, í samtali við LA Times.

"Við viljum fá David aftur til Kalifornínu, en Milan verður að bæta liði okkar og stuðningsmönnum það upp ef félagið ætlar sér að halda honum lengur. Allir verða að vera sáttir," sagði framkvæmdastjóri bandaríska liðsins.