Atvinnulausum fjölgaði um rúm 370 þúsund í júlí

Atvinnulausum einstaklingum fjölgaði um 371 þúsund í Bandaríkjunum í síðasta mánuði. Það bendir óhjákvæmilega til þess að vinnumarkaðurinn sé langt frá því að rétta úr kútnum vestan hafs þrátt fyrir marga jákvæða þætti í bandarísku hagkerfi að undanförnu.

Niðurstöðurnar í júlí mánuði sýna að uppsagnir hjá bandarískum fyrirtækjum í síðasta mánuði voru þó færri en á síðustu átta mánuðum. Uppsagnirnar voru þó fleiri en spár höfðu gert ráð fyrir.

Þrátt fyrir vísbendingar um stöðugleika í efnahagslífinu er búist við því að atvinnulausum einstaklingum á bandarískum vinnumarkaði muni fjölga enn frekar á næstu mánuðum en þó í minna mæli.