Ragnar Hjaltested: Okkur sjálfum að kenna

„Ég er alveg hrikalega svekktur. Þetta er samt mest okkur að kenna sjálfum þó svo dómararnir hafi getað gert betur á köflum," sagði Ragnar Hjaltested, leikmaður HK, sem var með skárri mönnum HK í leiknum í kvöld.

„Við lendum strax undir og erum eiginlega bara í tómu bulli. Þetta var bara eins og síðast hérna. Við erum bara ekki almennilega tilbúnir. Af hverju hef ég ekki hugmynd um. Ef ég vissi svarið þá væri ég kátur núna," sagði Ragnar.

Hann verður áfram í liði HK á næstu leiktíð en Ragnar missti af stórum hluta tímabilsins vegna meiðsla.