Ísland suðursins

Íbúar í arabaríkinu Dúbaí eru nú eflaust að upplifa álíka áfall og við Íslendingar í fyrrahaust þegar skuldatryggingarálagið rauk upp í hæstu hæðir áður en efnahagshrunið reið yfir af fullum þunga.

Eins og fram kom í vikubyrjun er álagið í Dúbaí reyndar meira en álagið hér og þykir það vísbending um að ríkið geti lent í vandræðum með afborganir af lánum. Sérfræðingar segja þó fátt benda til að svo verði.

Á því gullaldarári 2007 eða hér um bil var Ísland nefnt Dúbaí norðursins. Miðað við stöðuna sem komin er upp mætti sosum kalla Dúbaí með réttu Ísland suðursins.